(Fam. Gjentianaceis)

Volg. Genziana

Friul. Sclop

FLÔRS: drets, unics, grancj fin a 5 cm, a forme di campanele, di turchin intens a blanc cun bocje plui clare puntinade di vert, margjin dividût in cinc lobis triangolârs

SEPAI: cinc, a dincj ovâi e plui strets a la base, luncs mancul de metât de coronule; tra i diviers dincj e je une membrane

FUST: curt, cun pocjis fueis ridotis

FUEIS: in rosete basâl, obovadis, cun margjin dintât a minût vie

FLORIDURE: di Mai a Avost

HABITAT: su pascui di cualsisei substrât dai 1000 ai 2500 m

NOTIS

Il non dal gjenar “Genziana” al somee che al derivi di “Gentius” un re de Ilirie che al veve preseât in mût speciâl e difondût la cognossince des proprietâts benefichis di chestis plantis. In Europe e vignive utilizade come febrifuc prime dal avent dal chinin. In cosmesi e ven, invezit, utilizade par sclarî lis lints.