Comunità Montana del

La gastronomie, tra i elements che a caraterizin cheste tiere, e je leade a un mont agricul che a planc ma inesorabilmentri al è daûr a disparî. Il ritmi stagjonâl e lent di chest mont i à dât a la cusine des Valadis dal Nadison un impront puar ma gustôs, dai savôrs a voltis delicâts e a voltis fuarts ma simpri ben ecuilibrât il fatôr nutritîf e caloric. Obietîf principâl de Associazion “Invito” al è chel di tirâ fûr vecjis ricetis de cusine tradizionâl di chestis Valadis metintlis dongje a prodots locâi, come foncs e salvadi: la bizna (mignestre di brovade e patatis), il štakanje-štokja-štokalca (specie di purè di patatis e verduris di stagjon), lis burje (cjastinis), i zličnjaki (gnocuts di aghe e farine), i štruki/strucchi (dolçs bulîts e frits cul stes riplen de gubane). Chescj a son uns pâr di plats che a vegnin proponûts te iniziative “Invito a pranzo” / “Invît a gustâ” che si fâs ogni an, di solit tai mês di Otobar e Novembar. Cun chest tip di recupar si vûl fâ cognossi salustris di cheste tiere e de sô culture e fâ sì che midiant dal mangjâ l’ospit al conservi, in plui dal plasê dai savôrs e dai profums, un biel ricuart di une zornade serene tra lis bielecis naturâls des Valadis dal Nadison che la Associazion e invide a visitâ.